#

StopKorrupsie

Meld korrupsie aan

OOR ONS

Op 1 Februarie 2017 is Adv. Gerrie Nel aangestel as die hoof van AfriForum se nuutgestigde privaatvervolgingseenheid.

Een van die redes wat die stigting van die eenheid genoodsaak het, was die feit dat korrupsie besig was om soos ’n kanker binne die Zuma-regering te versprei en vinnig besig was om die land op sy knieë te dwing. Korrupsie het nie net finansiële gevolge nie, maar het ’n invloed op elke aspek van die samelewing.

Die eenheid het ten doel om vervolging in te stel wanneer die Nasionale Vervolgingsgesag (NVG) sonder geldige redes versuim om persone (veral diegene met politieke verbindings en hoë profiele) te vervolg. Die eenheid se doelstellings is onder andere om korrupsie onder hooggeplaaste regeringsamptenare te identifiseer, korrupsieklagtes deur ervare ondersoekers te laat ondersoek, te verseker dat strafregtelike klagtes ingedien word, druk vir vervolging toe te pas deur korrupsie in die openbaar te ontbloot, asook om openbare veldtogte teen korrupsie te voer.

Sonder sterk waghond-organisasies word onaantasbaarheid die stelsel waarop korrupsie gebou word. As onaantasbaarheid nie afgebreek word nie, is alle pogings om ’n einde aan korrupsie te bring, tevergeefs. AfriForum se privaatvervolgingseenheid sal, waar nodig, sake vervolg wanneer die staat dit nie doen nie.